හෝමාගම පාදුක්ක උපනගරයන්හි මධ්‍යයෙහි අවිස්සාවේල්ල කොළඹ දුම්රිය මාර්ගයට මායිම්ව මීගොඩ විශේෂිත ආර්ථික මධ්‍යස්ථානයට ඉතා නුදුරින් අක්කර 3 යි රූඞ් 3 පර්චස් 13 ක භූමි ප‍්‍රදේශයක මෙම විදුහල පිහිටා ඇත. හෝමාගම  කලාප කාර්යාලයේ සිට කි. මීටර 7 දුරින් පිහිටා ඇති මෙම පාසලට පිවිසුම් මාර්ගය  ලෙස කොළඹ පාදුක්ක 125, 203 සහ 366 අංක දරණ බස් රථ හදුන්වා දිය හැකිය.

පාසල් ඉතිහාසය

            1870 මාර්තු මාසයේ එච් ඒ එල් ධර්මදාස මහතා විසින් දොන් ජේමිස් ඩයස්   මහතාට  අයත්  ඉඩමක පළමු වරට පොල් අතු සෙවිලි කල පාසලක් ලෙස අරඹන ලද මෙහි වර්ධන අදියර,

     1914 දී නව ස්ථිර ගොඩනැගිල්ලක් සාදා නිම කරන ලද අතර එය පිරිමි ළමුන් සඳහා පමණක් වෙන් වු පාසලක් විය
     1916 දි තවත් ස්ථිර නව ගොඩනැගිල්ලක් සාදා  නිම කරන ලද අතර එය ගැහැණූ ළමුන් සඳහා පමණක් වෙන් වු පාසලක්           ලෙස වෙනම ම පවත්වා ගෙන යන ලදී.
     1967  මාර්තු මාසයේදි පැවති පාසල් ප‍්‍රතිසංවිධාන යටතේ මෙම පාසල ඒකාබද්ධ කොට ගැහැණූවල කනිෂ්ඨ විද්‍යාලය නමින්          එක් පාසලක් ලෙස නම් කරන ලදී.
      1985 ජුලි 16 විදුහල්පති එච්. ඞී. ඡේ. හෙට්ටිආරච්චි මහතාගේ කාලයේ මීගොඩ ධර්මරාජ විද්‍යාලය නමින් නම් කරන ලදි.
      එතැන් සිට සීඝ‍්‍ර දියුණූවක් කරා පා තැබූ මෙම විදුහල අද වන විට ප‍්‍රදේශයේ අනිකුත් පාසල් අතර කැපී පෙනෙන භෞතික          සංවර්ධනයකින් මෙන්ම ගුණාත්මක සංවර්ධනයකින් ද යුක්තය.
      වර්තමානයේ  1 සිට 11 දක්වා ශ්‍රේණි  පැවැත්වෙන අතර ගුරු මණඩලය 44 දෙනෙකුගෙන් සමන්විත වන අතර ශිෂ්‍ය          සංඛ්‍යාව 1079 කි.

භෞතික සම්පත් වල වෙනස්වීම්

      x          1914 නව ගොඩනැගිල්ල
      x          1916 නව ගොඩනැගිල්ල
      x          1916 සිට 1977 දක්වා නව   ගොඩනැගිලි 8 ක් එක්ව තිබිණි.
      x          1977 පාසලේ ක‍්‍රීඩා පිටිය සඳහා ඉඩම දොස්තර ලෙස්ලි ජයසූරිය මහතා විසින් පරිත්‍යාග කිරීම
      x          1984 වේදිකාව ඉදිකිරීම
      x          2001 බහු කාර්ය ඒකකය
      x          2001 විද්‍යාගාරය සහිත දෙමහල් ගොඩනැගිල්ල

මෙම දේපල නීතිමය පවරාගැනීම් සහිතය. 
පිඹුර අංක P Q 10823 
ගැසට් නිවේදන 1976x ජුනි 27 අංක 170 සහ 1976 අගෝස්තු  29 අංක 228

දැක්ම
ජීවිතයට ශක්තියක් වන හැකියා වර්ධනය කරමු

මෙහෙවර

හෙට දවසේ අභියෝග වලට මුහුණ දිය හැකි යුක්තිගරුක, ගුණගරුක, බුද්ධිමත් පුරවැසියන් අද දවසේ බිහි කිරීම

පාසලෙන් බිහිවු විශිෂ්ට ආදි ශිෂ්‍යයන් හා ශිෂ්‍යාවන්

      1.   මීගොඩ පඤ්ඤාලෝක හිමි ( මීගොඩ හාමුදුරුවෝ )
      2.   සෝමා එදිරිසිංහ මිය ( සභාපතිනි -  EAP එදිරිසිංහ සමුහ ව්‍යාපාරය )
      3.   මංජු ශ‍්‍රි අරංගල මහතා ( විපක්‍ෂ නායක - බස්නාහිර පලාත් සභාව )

විද්‍යාලයේ ක‍්‍රියාත්මකවන විවධ විෂය සමගාමි වැඩසටහන්

      පරිසර භට කණ්ඩායම                                               
      පාසල් පලදායිතා වැඩසටහන
      සන්නිවේදන ඒකකය                                   
      අපද්‍රව්‍ය කළමණාකරන වැඩසටහන
      සාරධර්ම සේනාංකය                                    
      පෙරදිග තූර්ය වාදක කණ්ඩායම
      අපරදිග තූර්ය වාදක කණ්ඩායම                    
      පාසල් නැටුම් කණ්ඩායම
      පාසල් සංගීත කණ්ඩායම                               
      හෑන්ඞ් බෝල් කණ්ඩායම
      නෙටිබෝල් කණ්ඩායම                                            
      වොලි බෝල් කණ්ඩායම